Julia
2019-02-26 10:03:30
旅遊

買蛋卷做澳門手信畀老爺奶奶一家分享低糖健康零食

澳門手信

好多朋友都問我成日過澳門玩，究竟有咩好玩呢？講真玩就真係冇咩玩㗎，都係純粹當離開下香港抖下氣，再加上我自己係超級鍾意食澳門嘅嘢食，好似杏仁餅、豬肉乾、蛋卷啦……所以每次去澳門都買好多袋澳門手信返嚟，我知好多人都擔心食零食會唔健康又容易肥，其實我自己試過咁多間後，到而家都係買開英記餅家嘅，因為我就係鍾意佢啲用料夠曬天然，而且有好多款，仲有食品入面含好多健康嘅食物，絕對稱得上係健康零食嘅首選，所以我一個月都過去一兩次補下貨㗎！

有時買手信送畀人，都要諗下對方適合食啲乜嘢？好似我老爺奶奶咁，始終年紀大都有啲健康問題，都唔會買咁多烤焗嘅嘢食，豬肉乾嗰啲就未必啱佢地，所以次次我都會買蛋卷畀佢哋食，蛋卷喺香港雖然周圍都有得賣，但係英記餅家嘅蛋卷，就同坊間有啲唔同，佢有成十種味道畀你揀，而且好多款都係好健康嘅，好似紫薯蛋卷、海藻糖蛋卷呢啲都係澳門手信中嘅健康之選，好適合啲唔可以食咁甜嘅人，我就特別鍾意佢哋嘅榴槤蛋卷同埋竹炭芝麻蛋卷，因為味道真係好濃郁又夠曬特別，最緊要係好味得嚟又健康！

旅遊

我知道英記係用上乘嘅牛油加美國嘅小麥麵粉去做蛋卷，而且唔加防腐劑，見到佢哋嘅用料係咁精選，香港坊間嘅蛋卷邊有得比，仲有我鍾意英記就係貪佢夠就腳，一般旅遊景點好似官也街、大三巴已經買到，喺威尼斯人同金莎等等嘅購物商場都有分店，最正嘅係客運碼頭都有得賣，係回程搭船嘅時候先買都唔遲，唔使身水身汗抽住周街走，呢個已經係好大嘅買點啦！我次次去澳門起碼買幾盒蛋捲畀老爺奶奶，咁佢哋唔駛睇住我哋食，自己有冇得食咁慘嘛！佢哋不知幾鍾意食啲蛋卷，而且咁多口味可以成日轉款唔怕悶，我都叫佢哋當健康零食咁食，有時當下午茶或者宵夜，過下口癮都幾正㗎！！