• Ingrid
  • 2020-12-06 13:35:06
  • 話題

正宗四川師傅主理~將軍澳片皮鴨外賣 @「金公館」

1、將軍澳片皮鴨外賣封面

自從五月冇工人以來日日都要自己煮煮煮,今日終於有新工人嚟啦!所以都想叫下外賣嚟個Welcome Dinner慶祝下!

2、將軍澳片皮鴨外賣

我哋一家都好鍾意食片皮鴨,疫情開始之後成日都想買片皮鴨外賣返屋企慢慢嘆!之前住將軍澳嘅朋友就介紹我哋試吓將軍澳中菜「金公館」!因為係正宗四川師傅主理,而將軍澳片皮鴨來講佢都算幾有名氣,再加上會做片皮鴨外賣嘅中菜館真係唔多!所以一於就試吓嚟自將軍澳既片皮鴨外賣啦!

3、將軍澳片皮鴨外賣

所有食物都包裝得好妥當,完全冇漏汁既情況,抵讚!

4、將軍澳片皮鴨外賣

今次我哋叫咗個四人餐:

主菜有片皮鴨

招牌口水雞

蒜泥白肉

青城山杏汁猪肺湯

仲追加咗一客酸菜魚

重點講吓幾樣我最鍾意食既分享啦!

一定係片皮鴨先!😍

5、將軍澳片皮鴨外賣

將軍澳中菜「金公館」用咗傳統方法去烤制,所以保留到鴨肉甘香味同肉汁,而鴨皮仲好似薯片咁脆卜卜!

6、將軍澳片皮鴨外賣

重點係師傅已經將鴨皮下嘅脂肪全部切走,真係好考刀功!所以每一啖都食得健康又唔使驚太肥!

7、將軍澳片皮鴨外賣

配料方面有清解油膩既青瓜同埋香濃既京蔥絲,配襯埋經典嘅甜面醬同埋金公館特別調製嘅桂花糖醬,再包晒喺摩摩皮裏面,口感層次豐富得來仲帶有陣陣桂花清香,好特別啊!

8、將軍澳片皮鴨外賣

我自己就鐘意鴨皮加埋肉一齊食,多重口感一啖過!(笑)

9、將軍澳片皮鴨外賣

10、將軍澳片皮鴨外賣

再嚟講下個酸菜魚,當中所用嘅香料同辣椒都係來自四川,加上來自四川成都傳統老壇醃制既酸菜,特點係用小葉、無筋既新鮮菜醃製,所以食落口特別爽脆!

11、酸菜魚

原來呢種酸菜既製作過程都非常唔簡單,醃制一定要用原汁母水同秘制香料加上古法埋壇,喺恒溫恒濕的環境下醃制 20至30日㗎!

12、酸菜魚

酸菜魚嘅湯底呈黃色,淡淡甘香酸辣又惹味,仲帶少少麻非常過癮,魚片食落口好滑溜,仲有粗薯粉做底,真係好滿足呀!

至於招牌口水雞賣相好吸引,一打開盒已經聞到好香,醬汁惹味又唔會太辛辣!

13、招牌口水雞

就算係我最鍾意食嘅雞髀部份樣下都唔會太多肥膏,所以連埋皮食都可以接受呀!

最後想讚下佢哋嘅蒜泥白肉個秘製醬汁好好味,酸酸地有好多蒜蓉,惹味又好開胃!

14、蒜泥白肉

豬腩片刨到好薄一片,配襯埋下面一樣咁薄嘅青瓜,每一口滋味得嚟唔會有邪惡感,連一向唔食豬腩肉嘅老公都食到停唔到口😍

15、豬腩片

下次去將軍澳食中菜一定要試埋去堂食先!如果你係住喺將軍澳嘅話以後想喺將軍澳食片皮鴨又多一個選擇啦!


相關文章推薦閱讀:

【必食片皮鴨】將軍澳金公館中菜 正宗京川滬味道

【片皮鴨都有得外賣?】令人回味的香港片皮鴨中菜館@金公館

【香港正宗片皮鴨】孝敬爸媽之選 金公館抵食傳統京川滬風味

正宗四川師傅主理~將軍澳片皮鴨外賣 @「金公館」

 
 

 

相似文章

最新文章

不吃早餐的危害有哪些