• STACY
  • 2021-11-19 10:45:45
  • 教育

EF English 試堂好唔好? 真實EF English試學體驗

EF English 試堂好唔好?  真實EF English試學體驗

是咁的,小弟大大話話都投身職場好幾年,現家個package 話好唔算,話唔好又唔係,始終都好想再向上發展。身邊有唔少好朋友想移民都會心思思,但又擔心自己英文唔夠好,過到去好難搵工,所以一直想搵個課程報下。上網搵過唔同學校, 比較過British Council ,Wall Street English 果D,最後都係想先試果間EF English Centers,雖然好似唔算好多人討論,但佢有得手機上堂又無限任上會話課,性價比睇落最高,問過身邊有進修緊英文D fds EF English 好唔好佢地又答唔到咁我就惟有搵日自己上去睇下EF English 好唔好/值唔值得報 。

其實要再上返堂, 對於我都係一個好大的challenge,話晒冇返學一段日子,唔好話要我坐定定背生字,淨係叫我睇返D textbook 我都好想死,所以我都一直拖拖拉拉左好耐。直到最近碌Facebook 時見到EF English個活動,好似唔洗好多錢,先$100就可以試學7日,我心諗試學完都實又sell 我架喇,不過我真係想學,有得試下個課程好唔好先再決定報名其實係一件好事, 所以就weekend上左其中一個中心去參加活動。

去到EF English Centers個學習中心同我想像都好唔同, 我以為會有好多課室白板,一排掛櫈擺晒係度,但實際個中心都好開揚, 有好多活動空間,課室就好多都係玻璃房,唔會阻到視線,成個氣氛都好輕鬆,似coffee shop 或者co-working space 多過一間學校。咁我都定D,至少個感覺所有野透明度都好高。

 Kf1

EF English 好唔好

個職員一開始就先簡單了解左我的background , 想學英交的原因,目標想去到的程度。我都係老實答返佢之前公開試英文D 細項唔係E就F,想考個靚仔D 的English Certificate, 唔會睇落好差咁。移民果part我就都係輕輕提一提, 始終我都係十五十六緊,不過如果可以考定一個好D的IELTS分數就當然最好啦。佢話都明白我的情況,建議我可以先做一做EF English 個test 先,check 返我英文好唔好,了解左現家自己的程度先可以知下一步可以點做。出黎的result 話我的 EF English Level係中級,估計IELTS 分數係6.0左右,其實都幾驚喜,證明我呢幾幾年進步真係幾大haha ,呢個EF English 分數代表我的英語能力夠應該一般日常交流,如果想入外國公司,又或者想移民就可以再提升多少少穩陣D。

同佢地傾到一半果陣,佢地話15分鐘後剛剛好有個EF English workshop 有位剩,我個程度今日好彩唔係好多學生報,可以比我試下,咁我賺左一堂都幾爽個EF 老師係Native English Speaker,好似都有好多唔同國家老師,澳洲英國美國都有,據說係比你學唔同口音,老實講個老師係教得幾好,成個課堂唔會悶,同埋佢地會不停咁鼓勵我去試,好多互動的機會,無論我英文好唔好,都唔洗驚或者怕羞,加上D 同學同我level 都係差唔多,唔係好我好多,所以我講我D 港式英語都冇咁老尷。

試完EF 個English workshop 之後我就想試下佢地個EF Smart English 系統好唔好, 佢地就係其中一部電腦登入左比我試試,入面有好多唔同的學習影片, 短短地兩三分鐘一條其實幾輕鬆,睇完就有D 練習比返我,老實講EF English 個系統都幾好,唔會好似免費果D 咁散亂,每個EF English chapter 都有完整一套的教材,同埋都好貼近唔同的生活場景需要。不過就唔似得私人補習老師咁,可以有機會比我隨時問問題。但如果我有需要,就可以預約佢地D EF English Centers 老師一對一上堂,不過果D就唔係無限,要另外再買,又或者上完一個EF English Chapter 系統就會送一節比你,鼓勵你努力上堂。

其實到我試晒咁多野,都玩左差唔多兩個鍾。幫我手個同事其實幾好人,唔算好hard sell ,佢就當然好想我報名兩三年果D課程啦,仲同我講其實可以claim 返政府資助,不過我都係話想再考慮下先,佢都冇點阻止我,我一開始仲準備叫FD去救我lol。我同意始終自己試過先最好,唔好網上講咩就信咩,今次試完EF English ,有機會我都想試埋其它,始終一個course都唔平。如果我之後試得晒,又或者最後有報名就再update大家啦!

相似文章

最新文章