• Diana
  • 2021-12-22 15:36:07
  • 話題

免中伏座廁/馬桶 American Standard秘技整合 - American Standard 馬桶

American Standard 座廁/馬桶專家教你如何選擇馬桶,避免中伏!一個理想的馬桶可以減少細菌滋生、便於清潔,同時讓你用得更舒適。準備裝修家居?立即了解好廁所點樣揀!

今時今日住宅市場及商用項目的馬桶生意,依然與樓市息息相關。「如果嗰時樓市活躍,其實好多基建係同時間帶動」,他舉例,啟德發展前會先發展九龍灣周邊商業地區,從而帶動衞浴界的生意;住宅市場而言,港人家中的馬桶普遍「十年如一日」,市民缺乏換馬桶的誘因,馬桶規格相關知識不如口罩般被市民重視,曾經紅極一時的電子廁板及智能馬桶也不如傳統座廁般「入屋」,Paul認為與樓價高、人工貴、認證少有關。

智能馬桶未「入屋」

過去10年樓價升勢凌厲,壓抑港人換樓或上車意欲,「而家閒閒哋,(新屋)裝修40、50萬走唔甩;2010年到2020年呢10年,好多人上咗車、買到樓已經好開心,可能亦使咗大部分嘅錢」,成功上車後不捨花錢購買貴價廁所設備;租樓市場亦然,「佢哋(業主)願意花錢,但未必願意花一嚿好大嘅錢,我租俾人渣嘛,嗰個只係生財工具,而唔係我自己住嘅」;師傅安裝人工費貴亦令人卻步,特別是智能馬桶或電子廁板更需要專業技工。「工人唔會咁容易接一單純粹換吓廁所板,或者係水龍頭」,人工甚至比產品本身還要貴,故普遍家中大裝修才會一併更換馬桶。

另一阻礙智能馬桶普及的主因,是產品目前仍未得到政府的質量認證。「香港政府一直以嚟都冇開一個好大嘅綠燈,甚至乎近年係有啲收緊。我哋啲產品歸水務署規管,水務署會關心GA認證(編按:針對與飲用水直接接觸、其金屬表面屬低金屬釋出率的水喉產品);但呢啲產品(智能馬桶)涉及少少電器,水務署唔認為佢哋要規管電器部分,EMSD(機電工程署)又覺得係水務署規管嘅嘢」。

目前世界上仍有不少地方依賴食水(淡水)沖廁,惟水務署早於1950年設立海水供應系統作沖廁用途。香港至今仍是世界上廣泛使用海水沖廁的少數地區之一,以節省食水,因此,政府變相不鼓勵智能座廁利用淡水清潔及沖廁的功能,地產商的發展住宅或酒店項目均甚少使用,目前以二手裝修市場為主,反而澳門酒店常見使用電子廁板。Paul估計,香港每15個家庭只有1個會安裝全自動智能馬桶,特別是家中在兩個廁所的家庭,只有1個廁所的則較少安裝。

「抗疫」馬桶5年跌價50%

全自動智能馬桶包括兩部分:智能座廁及電子廁板。American Standard同系日本衞浴牌子INAX早年在電子廁板新增殺菌功能,原理跟空氣清新機相若,母企LIXIL將技術放諸於廁板上,配合智能座廁便成了全自動電子「抗疫」馬桶。「其實呢一行嘅產品係越來越平」,一個具備抗菌及殺菌功能的「抗疫」馬桶,5、6年前索價介乎4萬至5萬元,「今日喺香港好多地方兩萬蚊左右已經買得到」,他解釋由於東南亞地區酒店和住宅發展快,帶動整體潔具用品產量提升,令成本下降。

至於傳統座廁,雖不能殺菌但亦做到「抗疫」功能,American Standard於2014年至2018年間研發出一套衞生潔淨系統——從旋渦式沖廁、廁兜內壁塗層及馬桶表面的陶瓷釉料三方面著手,設計抑壓馬桶細菌生長的技術,「呢啲微小事,因為沙士距離今日已太遠,去到今日,佢哋會覺得,吓,係咩?原來有咁大關係㗎?」具備該系統的傳統座廁價格約5,500元,較基本座廁約2000元貴一倍多,但較智能馬桶售價明顯便宜,亦沿用香港的咸水沖廁方法。

澳門賭場訂單增 與賭牌有關?

Paul認為肺炎疫情爆發是一個好時機,跟政府和公眾解釋高科技產品有利市民健康。他建議市民現階段考慮更換傳統座廁或電子廁板已非常足夠,住宅更換感應式水龍頭則不太實際,最重要仍是常清潔及注意個人衞生。「今日,佢哋都會關心,除咗以前一個普遍坐廁之外,沖嗰個performance、到到個design各樣嘢,係咪真係做到一個真正嘅cleaningness同埋tidyness? 我覺得個焦點會再返返去」。最近公司已收到很多有關升級馬桶的查詢,特別是來自澳門的酒店,「我見到佢哋有一個翻新的潮流,用一個更加有利嘅條件去爭取賭牌」。

香港大部分商場及商廈已轉用感應式沖廁及手龍頭,Paul認為這些地方的廁所規格已做得不錯,他提及「北角佛堂」確診群組的佛堂水龍頭驗出新型冠狀病毒:「雖然沙士到今日相隔咗17年,但係你問我,仍然見到好多公眾地方用緊一啲我吔叫單把手,甚至係時間式按落去跟住自己閂嘅(水龍頭),香港仍然都未完全用得晒自動感應,甚至有啲公眾地方仲係要自己按嗰個沖廁制,有啲人講笑都未做完嘢,啲水又沖咗出嚟。」他認為學校、老人院的廁所設備有較大的改善空間,「最驚啲老人家中咗(傳染病)後帶返去個社群,可能老人家缺乏自理能力,感應龍頭更加應該擺喺老人院,甚至係感應花灑」。公司近期已針對老人院等社區地方,推廣具備衞生潔淨系統的傳統座廁及感應手龍頭,鼓勵社區地方升級設備,提升廁所衞生。

記者:邱曉欣

到底馬桶邊隻好?德國頂級品牌告訴你爲什麽要慎重選擇適合自己及家人使用習慣的馬桶.

——

影片:

採訪: 邱曉欣、余曉芸

編撰、旁白:余曉芸

攝影:細釗

剪接、後期:何文超

編審:倪敏慧

investMAN

For People of Style & Substance

掌握理財智慧 感受生活品味

相似文章

最新文章